即係咁，呢個世界好多人好執著有一種所謂「純粹的正義」，覺得所有問題爭論都會有一個絕對O岩同絕對錯既答案，之前亦希望身邊所有既人認同呢種立場，否則就係佢既敵人。
對呢D網友，我真係要講聲唔好意思，響毓民老蕭王上陳雲既衝突上面，我唔會認為任何一邊係絕對O岩或者錯既地方，假若因為你覺得我偏幫某一方而令你失望，咁同你講定先，你將會繼續失望落去
咁當然，我而家身處某一個平台，可能立場上難免有所局限（最低限度我係唔會特地去搵老蕭撩交嗌），但鬼咩，響「人人熱」反檯，摺台事件之前，我曾自薦上王上節目但無下文，又如果唔係阿靳大力推薦我既係比老蕭而唔係比毓民，可能而家既局限係100%掉轉。
至於兩邊抽水問題，我既立場係搞下gag互串對方其實真係無所謂，唔好講立場唔同，就算立場相同我都照抽啦，只要唔係惡意攻擊就得。我完全無諷刺阿靳既意思，只係覺得「平庸之惡」呢個gag響朱總個位幾正，先忍唔住爆出黎，假若你覺得呢個抽水低質唔好笑，反而我要同你道歉，因為個笑話唔夠幽默先係我最concern既野。
當去到我認為抽水抽得超越我既底線，或者我唔認同老蕭既攻擊方向時，我自然會選擇沈默。沈默唔係因為我怕事，只係正如先前講過我唔會搵老蕭撩交嗌，作為一個老蕭主打的節目，響果個moment去打斷節目個節奏，係唔明智既，作為一個主持，我永遠都係將節目好唔好聽放響第一位考慮；不過有d位覺得唔好笑，勉強陪笑，效果反而仲差。
ANYWAY，都仲係要強調，做節目，只係義務性質，從來無人可以迫我講或唔講某D野，所有入面講既野；節目對我最大既困擾，只有花既準備時間太多，車馬費太少（好似成功爭取倒有，有心人可幫我爭取多D），一切都靠「過癮」兩個字頂住。如果有一日覺得做得唔「過癮」，我自然會離開，騰出時間去做其他我想做既野。
掉留轉，我亦唔會迫人地去認同我既諗法同立場，要我做英雄響一個場合突然一躍而起主持正義，又或者要我就某D內容跟足要求去做某D反應或唔搞某D GAG，SORRY，做唔倒，一切都以我自己判斷為優先。如果呢D叫「平庸之惡」，我認架（基本上我唔覺得呢個字好負面，我本身就是平庸，加埋個人衰衰地，幾貼切）。
Search